La Calandreta deu Lís : ua grana equipa !
Dens l'escòla, cadun que compta : cada escolan, dus regents, ua ajuda-mairau. Amassas qu'èm los actors de l'escòla, ajuda dens la vita vitanta peus burèus associatius benevòles e las familhas qui balhan la man.
L'equipa pedagogica dab los regents
Cada classa qu'a lo son regent o la soa regenta : l'ensenhaire qui l'acompanha tota l'annada e qui n'ei lo-a responsable-a. Que son pagats per l'Educacion nacionala, que segueishen los programas oficiaus e que son inspectats com dens las escòlas publicas. Que son formats peu centre de formacion de Calandreta, lo centre APRENE e qu'an passat lo concors privat lenga regionau.
L'organigrame de l'equipa pedagogica que serà publicat aciu.
L'ajuda- mairau que hè part de l'equipa pedagogica
L'acuèlh deu matin
L'ajuda-mairau qu'ei aquiu abans la classa entà recéber los mainats e las familhas e per que lo dia e comença d'un biais arcuelhant.
L'ajuda en classa
L'ajuda-mairau qu'assisteish lo tribalh deus regents e en particular en mairau. Qu'apresta lo materiau. Qu'ajuda cada mainat dens l'acquesicion de l'autonomia. Qu'ei tanben l'ajuda-mairau qui s'aucupa de la dromida de 13h30 a 15h tot dia.
Aqueth pòste n'ei pas pagat per l'Estat : qu'ei l'associacion qui'u paga.
L'equipa associativa - los burèus e lo CA
L'escòla qu'ei portada per duas associacions de parents : Calandreta André Minvielle (peu temps escolar) e Comptines et Galopins (per l'interclassa). Los burèus — presidéncia, tresaureria, secretariat — que son benevòles e que's renovèlan a l'amassada generala. Que son eths qui sinhan, qui tienen lo budget e qui responen aus mails. Que convòcan aus Conselhs d'Administracion per har víver las lors associacions e organizar las lors accions.
Los organigrames de las associacions que seràn publicats aciu après validacion de las AG.
Las familhas
A la Calandreta, los parents que hèn partida de l'equipa : comissions, obradors, hèstas, ventas de sostien, acompanhament de las sortidas. Digun n'ei pas obligat d'ac tot har, mes tot lo monde que hè quauqu'arren.
Juntar l'equipa
Per ua question de classa coma per ua question d'associacion : un sol corric, un sol numèro. Que'vs responeram.