Inscríver lo son mainat a l'escòla Calandreta deu Lís
Tot que comença per ua visita. Que v'amuisham las classas, qu'encontratz los regents, que pausatz las vòstas questions — quitament las qui vos semblan pècas : ne'n son pas jamei. Que podètz contunhar d'escambiar dab la cap d'establiment si aquò ei necessari. Qu'ètz en ligam dab un parent de l'associacion qui v'ajuda a compréner lo fonccionar e qui podètz sollicitar.
Quin se passa ua visita ?
Etapa 1
Que ns'escrivètz o que'ns telefonatz
Un corrièr electronic o ua telefonada que sufeish. Digatz-nos quin s'apèra lo vòste mainat, quau ei lo son atge e en quau classa ei. Arron que vederam amassas quau ei lo moment qui'vs va plan.
Etapa 2
Que convienem d'un rendètz-vos
La visita que's hè sovent sus un temps de classa, entà véder l'escòla coma ei reaument. Qu'ei lo moment de profieitar d'un temps d'observacion de classa qui avem riaument en tant que parent e de plonjar dens aqueste univèrs construsit, gerit e tribalhat peus mainats.
Etapa 3
Que passatz un moment a l'escòla
Que vedetz las duas classas, la cantina, lo casau, la cort de recreacion e l'environa de l'escòla. Qu'entenetz lo biarnés parlat peus mainats. Qu'encontratz los regents. Qu'avètz un moment d'escambi dab la cap d'establiment. Qu'ei sovent lo moment qui decideish.
Etapa 4
Que prenetz lo temps d'i pensar
Qu'ètz contactat per un parent de l'associacion dab qui podètz partatjar tanben en tant que parent. Que podètz tornar contactar la cap d'establiment per mail o telefone si avètz questions mei. Puish, si ac volètz, que constituim lo dossièr d'inscripcion amassas.
A qui s'adreça l'escòla ?
A totas las familhas, que parlin bearnés o non pas. La màger part deus parents ne parlavan pas abans d'arribar. Çò qui compta, qu'ei d'estar d'acòrd dab l'immersion e de non pas aver paur las purmèras setmanas, quan lo mainat compren mei que non parla. çò qui vos demandam qu'ei d'estar curiós d'aquera navèra lenga, si ei lo vòste cas, e de la valorar au maximom a casa. Puish, si ac desiratz, que poderatz caminar en occitan dab lo-a vòste-a mainat-da. Que serà un bon mejan de l'acompanhar dens lo son percors escolar e d'escambiar dab eth-era.
L'escòla qu'arcuelh los mainats de la mairau au CM2. Ua arribada en cors d'escolaritat ei possibla : que s'apresta e que's parla au cas per cas, segon l'atge e lo camin escolar deu mainat.
Las plaças que son comptadas. Que vau mei se har conéisher de d'òra.
Las inscripcions que's hèn tota l'annada
Que podètz préner contacte dab nosautes e inscríver lo-a vòste-a mainat-da tot au long de l'annada shens restriccion. Aquò que hè part deus punts qui aprestam amassas. L'escòla qu'organiza pòrtas alandadas. Las datas de l'annada que son anonciadas dens lo calendari e sus la pagina Facebook de l'escòla.
Çò qui còsta l'escòla :
L'escòla qu'ei devath contracte dab l'Estat, qui paga los regents. Ua petita participacion financèra qu'ei demandada a las familhas entà ajudar a pagar lo salari de l'ajuda mairala.
L'associacion que paga tanben lo materiau e los projèctes pedagogics. Ací las contribucions a prevéder.
L'adesion a l'associacion
Ua cotizacion annadèra per familha e per associacion, qu'ei votada a l'amassada generala.
Montant de precisir peus burèus associatius.
La participacion de las familhas
Ua petita participacion financèra entà ajudar a pagar lo salari de l'ajuda mairala.
Montant de precisir peus burèus associatius.
Los repeishs de la cantina
Facturat segon çò qui ei estat minjat.
Prètz de precisir peus burèus associatius.
Aqueths montants que son votats per las familhas quitas, e l'associacion que'us tien au mei baish qui's pòt. Se la soma vos hè paur, qu'ac podètz díser : ne deu pas estar un trebuc.
Ajudar l'escòla autament que dab sòus — temps, un còp de man, ua venta de sostien, ua participacion a un projècte — que compta autant.
Se lançar
Escrivètz, telefonatz, passatz. Que responem a tot lo monde.
Coordonadas de l'escòla
- Adreça
- Escòla Calandreta deu Lís
16 chemin du bourg
64260 Lys - Telefone
- 06 03 71 13 23
- Corric
- cap.lis@calandreta.org